Points To Miles 里數著數儲得快

分享不同賺取里數分法,里數賺返嚟點先用得精明?

除咗點賺里數,仲教你點樣醒目換你嘅里數

YOUR NEXT JOURNEY STARTS HERE
Nov 2026

【里數實測】用 Avios 幫姐姐換機票返鄉下,到底抵唔抵?✈️🇵🇭

屋企個姐姐差唔多又到時間放假返馬尼拉?作為僱主,幫姐姐買來回機票係基本,但最近認真計過條數,發現原來唔一定要夾硬食貴價現金票,用里數換隨時慳返一大截!💡 平時就咁買張飛返馬尼拉,睇落好似唔貴,但當你計埋稅、燃油附加費,再加埋姐姐返鄉下必備嘅「行李額度」🧳,埋單動輒都要 $2,000 甚至更貴!💸 今次就試下轉個玩法,用 Qatar Avios去換國泰航

← 返回首頁

Gemini_Generated_Image_eytrdseytrdseytr

屋企個姐姐差唔多又到時間放假返馬尼拉?作為僱主,幫姐姐買來回機票係基本,但最近認真計過條數,發現原來唔一定要夾硬食貴價現金票,用里數換隨時慳返一大截!💡

平時就咁買張飛返馬尼拉,睇落好似唔貴,但當你計埋稅、燃油附加費,再加埋姐姐返鄉下必備嘅「行李額度」🧳,埋單動輒都要 $2,000 甚至更貴!💸

今次就試下轉個玩法,用 Qatar Avios去換國泰航空嘅來回機票,條數計出嚟真係有驚喜:

🔥 換票成本大公開:

所需里數: 18,000 Avios(來回)

稅項及附加費: HK$472

里數成本計算: 如果用平時 HSBC 信用卡「$1 = 15 Avios」呢個超平入手法去計,18,000 Avios 嘅成本其實只係 $1,200 左右!

📊 對比:

👉 用里數換: 1,200 RC (里數成本) + $472 (稅) = 總共只係 $1,672!

👉 直接買機票: 連稅連行李 = $2,000 - 2,500

一來一回,有機會慳返差唔多 $800 蚊!😍 最重要係換出嚟嘅唔係廉航,包埋飛機餐同寄艙行李,而且航班時間仲要超靚仔(早機去、午/晚機返,唔使姐姐捱凌晨機),姐姐開心,我個荷包又安心!😂

不過問題嚟喇,好多人話:「車!里數緊係留返俾自己換 Business Class 去日本、去歐洲嘆世界啦,邊有人捨得用落姐姐度㗎?」🤔

我就覺得,里數都係錢,邊度用得值、慳到真金白銀就邊度用!大家又點睇呢?

如果你手頭上有 Avios / 里數,你會唔會捨得用嚟幫姐姐換機票返家鄉?定係寧願乖乖地俾現金買算數?

找到你的下一個著數

試試搜尋「EveryMile」、「Asia Miles」或「迎新」。