【東亞銀行信用卡】網上結餘轉戶計劃推廣|免手續費找其他銀行卡數+賺額外 HK$100 及 Visa 卡專享 1,000 里數!✈️
年尾想用信用卡找其他銀行卡數或自製現金流?東亞銀行(BEA)最新推出「網上結餘轉戶計劃」推廣!只要經網上銀行或手機銀行找其他銀行卡數,除咗可以享 5% 手續費全數回贈(變相免手續費兼享免息還款期周轉!),憑合資格 Visa 信用卡做滿指定金額,仲可以額外賺取 HK$100 現金回贈及 1,000「亞洲萬里通」里數! 📅 推廣期及名額 • 推廣期:2026
趁無咩人行過滙豐新開嘅銅鑼灣旗艦店,梗係即刻入去「做任務」啦!做齊晒成個流程總共有成 225 RC(獎賞錢),成個過程唔使 5 分鐘就搞掂!同大家 Update 一下最新攻略 👇 成個任務主要分佈喺三大區域(地下 / 1樓 / 2樓),建議大家可以由上而下咁玩最順路: 📍 第一站:2 樓「未來規劃站」➡️ 賺 20 RC 上到去答返幾條關於保險、健康(K

趁無咩人行過滙豐新開嘅銅鑼灣旗艦店,梗係即刻入去「做任務」啦!做齊晒成個流程總共有成 225 RC(獎賞錢),成個過程唔使 5 分鐘就搞掂!同大家 Update 一下最新攻略 👇
成個任務主要分佈喺三大區域(地下 / 1樓 / 2樓),建議大家可以由上而下咁玩最順路:
📍 第一站:2 樓「未來規劃站」➡️ 賺 20 RC
上到去答返幾條關於保險、健康(Kinhong)等簡單問題,職員好快手幫你搞掂,輕鬆袋走 $20 RC。
📍 第二站:1 樓理財區 ➡️ 賺 50 RC + 額外 150 RC
呢層主要做兩樣嘢:
1️⃣ Future Planner 問卷(30 RC):小貼士!其實可以喺屋企用 HSBC Mobile App 自己做咗先,去到直接 show 俾職員睇就慳返好多時間!
2️⃣ 理財小遊戲(20 RC):玩個簡單小遊戲又袋廿蚊。
✨ 終極加碼(額外 150 RC):如果你本身已經符合以下 4 個條件,就可以直接解鎖埋呢 150 RC(呢筆要隔幾日等系統 Update 先會入賬):
已開立投資戶口
已完成風險取向問卷及「知識與經驗評估」
已加入滙豐 Trade25 或滙豐交易薈
已設定推廣資訊喜好接收途徑
📍 第三站:地下近門口位置 ➡️ 賺 5 RC
臨走前喺地下打卡位影返張靚相,最後拎埋呢 $5 RC,完美收工!
📊 總結回報(共 225 RC):
✅ 即日落袋:75 RC
⏳ 隔幾日入賬:150 RC
💡 所有獎賞錢會全數入落「獨立獎賞錢計劃」戶口。全數 $225 RC 仲可以兌換成 2,250 Asia Miles 或者如果大家持有 HSBC Premier Mastercard,就可以換換成 3,375 Avios / KrisFlyer 里數,真係夠晒抵玩!
趁依家仲未算太多人排隊,經過銅鑼灣記得入去快閃賺返餐飯錢啦!🏃💨